Mehmet Rukiqi

Mehmet Rukiqi (1936, Verboc - 2024, Prishtinë) është një mësimdhënës, veprimtar, folklorist dhe studiues i njohur nga Drenasi, Drenicë.

Biografia

Dr. Mehmet Rukiqi lindi në Verboc të Drenasit, shkollën fillore e kreu në Tërstenik, Gjimnazin në Drenas ndërsa Shkollën Normale në Prishtinë. Më pas i vazhdoi studimet në degën e gjuhës dhe letërsisë shqipe pranë Fakultetin Filozofik në Prishtinë. Pranë këtij institucioni vazhdoi edhe studimet pasdiplomike të magjistraturës (1984) të cilat i përfundoi me temën "Anekdotat popullore shqiptare" ndërsa teza e doktoraturës së tij titullohej "Krijuesit dhe bartësit e tregimeve popullore në Drenicë" (1994).

Rreth 20 vite punoi në arsim, si mësimdhënës në disa shkolla në Drenicë dhe që nga viti shkollor 1972/73 punoi në Shkollën teknike "19 Nëntori" në Prishtinë, por u përjashtua nga puna për arsye politike. Më vonë, punoi si përkthyes deri në pensionim e tij në Kuvendin Komunal të Prishtinës.

Kontributi i tij ishte i fokusuar në narrativat tradicionale dhe trashëgiminë e pasur gojore të rajonit të Drenicës. Trashëgimia e Mehmet Rukiqit vazhdon të jetojë përmes përkushtimit të tij për ruajtjen dhe kuptimin e folklorit shqiptar. Në folkloristikën kosovare konsiderohet si njëri ndër nxënësit dhe studentët më të zellshëm të Anton Çettës.

Vepra

• "Anekdota gojore shqiptare"
• "Krijues dhe bartës të tregimeve popullore në Drenicë"
• "Tahir Berisha: mendimtar popullor"
• "Azem Galica: në traditën popullore"
• "Krijuesi dhe krijimtaria anekdotike"
• "Anekdota popullore - I, II, III, IV, V, VI, VII, VIII, IX, X", etj.

Lidhje të jashtme

• Mehmet Rukiqi (Vepra) - World Cat Identities

Shih edhe

• Folklori
• Anekdota
• Folkloristika